غزه کې د نسل وژنې پر وړاندې نړیوال غبرګونونه
- 9 مياشتي دمخه (25/02/2024)
- سمسور نیوز
- 328
د برازیل ولسمشر لوئیس ایناسیو لولا وایي چې اسراییل د فلسطینیانو په وړاندې نسل وژنه کوي.
نوموړي تېره اوونۍ په غزه کې د اسراییل پوځي عملیات د نازیانو له خوا د هالوکاست له عامه وژنې سره تشبېه کړي وو.
اسراییل د نسلوژنې ادعاوې رد کړي او وايي، دغه جګړه یې د خپل ځان د امنیت لپار ده.
د غزې روغتیا وزارت پرون ویلي وو چې د تېرو ۲۴ ساعتونو پر مهال د اسراییل په بمباریو کې د ۹۲ وژل شویو فلسطینیانو مړي روغتونونو ته لېږدول شوي دي.
د دغه وزارت په وینا، د اکتوبر له اوومې په روانه جګړه کې تر ۲۹زرو ۶۰۶ ډېر کسان وژل شوي او نږدې ۷۰زره نور ټپیان شوي چې دېری یې ښځې او ماشومان دي.