خیبرپښتونخوا کې موټربم برید د چینايي انجنیرانو په ګډون ۶ کسان ووژل
- 7 مياشتي دمخه (26/03/2024)
- سمسور نیوز
- 341
د خیبرپښتونخوا په شانګله سیمه کې د چینایانو پر موټر برید شوی، چې په پایله کې یې ۵ چینایي انجنیران او یو پاکستانی موټر چلوونکی وژل شوي دي.
سیمه ییزې سرچینې وایي، له چاودېدونکو توکو یو ډک موټر د چینايانو له موټر سره جنګول شوی او وروسته یې چاودنه کړې.
د معلوماتو له مخې، تر برید وروسته د چینايي انجنیرانو موټر یوې لویې کندې ته لوېدلی او سمسلاسي یې اور اخیستی دی.
پاکستاني پولیسو ویلي، برید پر هغو انجنیرانو او کار کوونکو شوی، چې د اسو په نوم یوه بند ته د کار لپاره پر لاره روان وو.
د یاد برید مسوولیت تر اوسه کومې وسله والې ډلې نه دی منلی.
دا په پښتونخوا کې پر چینايي انجنیرانو لومړنی برید نه دی، بلکې تر دې مخکې هم د ورته بریدونو هدف ګرځېدلي.