نامالومو وسله واله بلوچستان کې ۱۱ مساپر وژلي
- 3 مياشتي دمخه (13/04/2024)
- سمسور نیوز
- 181
نامالومو وسله والو د بلوچستان په نوشکي سیمه کې ۱۱ کسان وژلي او پنځه نور یې ټپیان کړي دي.
یاده پېښه تېره شپه د نوشکي په سلطاني چړهايي سیمه کې رامنځته شوې.
په وژل شویو کسانو کې ۹ یې د پنجاب اوسېدوونکي دي.
ویل کېږي، چې یاد کسان په یو بس موټر کې د بلوچستان له مرکز کوېټې څخه د ایران تفتان ته تلل، چې نامالومو کسانو له ګاډي کوز کړي او بیا یې پرې ډزې کړي.
بل لورته پاکستاني پولیسو ویلي، چې د پېښې په اړه یې پلټنې پیل کړې دي.
لاهم د یادې پېښې مسوولیت کومې ډلې پر غاړه نه دی اخیستی.