غزني کې یوه ښځه د خپلو تره زامنو له کورني زندانه ازاده شوه
- 8 مياشتي دمخه (17/04/2024)
- سمسور نیوز
- 293
په غزني کې یوه ښځه د خپلو تره زامنو له ۱۲ کلنې کورنۍ بندخونې ازاده شوې.
سیمه ییز مسوولین وايي، دغه ښځه تېره ورځ امنیتي ځواکونو او د امر بالمعروف ریاست د محتسبینو په همکارۍ ازاده شوې ده.
دغه ښځه شمسیه نومېږي او د غزني د اندړ ولسوالۍ د نظروال کلي اوسېدونکې ده.
سرچینه زیاتوي، یاده ښځه له خوشې کېدو وروسته اوس د اندړ ولسوالۍ په مرکزي روغتون کې تر درملنې لاندې ده.
د سرچینې په خبره، په دغه قضیه کې دخیل کسان عدلي او قضايي بنسټونو ته معرفي شوي دي.
د یادونې ده، چې تر دې وړاندې هم په ځینو ولایتونو کې لسګونه کسان له کورني زندان خوشې کړل شوي دي.