سمسور

پاکستان کې د جعلي وېزو له امله ۹ افغانان نیول شوي

• 2 مياشتي دمخه (21/09/2024)
• شریف الله وليزاد
• 116

جیو نیوز خبري شبکې په پاکستان کې د جعلي وېزو او روغتیایي اسنادو له امله د نهو تنو افغانانو د نیول کېدو راپور ورکړی دی. 

یادې رسنۍ نن په یوه راپور کې ویلي، چې دا افغانان په تېرو درو ورځو کې د کراچۍ په جناح نړیوال هوايي ډګر کې د انساني قاچاق ضد (F.I.A) ځواکونو لخوا نیول شوي دي. 

په راپور کې ویل شوي، چې دغو کسانو غوښتل په یادو اسنادو سره د پاکستان له لارې نورو هېوادونو ته لاړ شي او تر نیول کېدو وروسته د F.I.A قطعې زندان ته لېږدول شوي دي.