سمسور

د ریچارډ بینیټ کاري موده یو کال نوره غځول شوی

• 2 مياشتي دمخه (10/10/2024)
• شریف الله وليزاد
• 63

د ملګرو ملتونو د بشري حقونو شورا تېره ورځ په یوه پرېکړه لېک کې په افغانستان کې د ملګرو ملتونو د ځانګړي راپور ورکوونکي ریچارډ بېنېټ کاري موده د یوه بل کال لپاره غځولې ده.

یادې شورا پخپله ۵۷مه غونډه کې دا پرېکړه لیک تصویب کړی او له هغه څخه یې غوښتي؛ ترڅو د افغانستان په اړه راپور جوړ او دوی ته یې وړاندې کړي. 

د راپورونو له مخې، د هغه ماموریت د روان ۲۰۲۴ زېږدیز کال په روانه اکټوبر میاشت کې پای ته ورسېد او تازه یو ځل بیا د هغه ماموریت د ۲۰۲۵ زېږدیز کال تر اکټوبر میاشتې پورې غځول شوی دی.

دا پداسې حال کې ده، چې پر نوموړي د سرپرست حکومت لخوا افغانستان ته د راتګ بندیز لګېدلی او دی یې نړیوالو ته د افغانستان د ناسمو معلوماتو په رسولو تورن کړی دی.