بایډن په غزه کې د اوربند غوښتنه کړې
- 2 اونۍ دمخه (18/10/2024)
- عبدالبصیر رحمت زی
- 50
د امریکا ولسمشر ویلي چې اوس ددې وخت را رسیدلی چې په غزه کې د اسرائیل او حماس غورځنګ تر منځ اوربند وشي.
جوبایډن برلین ته د خپل سفر په ترڅ کې د یحیی سنوار مرګ ته په اېشارې سره خبریالانو ته ویلي، چې اوس یې وخت دی چې اوربند ترسره شي او په خبره یې د ټولې نړۍ لپاره باید وضعیت ښه کړو.
بایډن همداراز ویلي چې جنګ باید پای ومومي او بندیان باید خپلو کورونو ته وروګرځول شي.
بایډن دا خبرې داسې مهال کوي، چې پرون اسرائیلو د حماس غورځنګ د مشر یحیی سنوار مرګ تائید کړ.