سمسور

فراه کې ۴ کسانو ته مرګ ژوبله اوښتې

• 1 مياشت دمخه (12/03/2025)
• شریف الله ولیزاد
• 56

د فراه ولایت د امنیې قومندانۍ مسئولین وايي، د دغه ولایت د مرکز اړوند په باغ پل سیمه کې د کاکا زامنو ترمنځ په شخړه کې د دوو مېرمنو په ګدون درې کسان وژل شوي او یو تن بل ژوبل شوی دی. 

د یادې قومندانۍ ویاند مولوي نسیم بدري رسنیو ته د پېښې په تائید سره ویلي، چې دغه پېښه نن سهار ۱۰ نیمې بجې د میراث پر سر رامنځته شوې؛ خو نور معلومات یې نه دي ورکړي. 

د بدري په وینا، د یادې پېښې په اړه څېړني جریان لري. 

دا پېښه وروسته تر هغه رامنځته شوه، چې تېره ورځ د میدان وردګ ولایت په سید آباد ولسوالۍ کې هم د ځایي اوسېدونکو او کوچیانو ترمنځ په شخړه کې دوه کسان ووژل شول او یو تن بل ژوبل شو.