خپلو قاتلانو نه پخبله سزا غواړمه
زه د بلاګانو په هجوم کې پنا غواړمه
شمعې مې له ځانه ګیرچاپېره لګولې دي
عقل راکې نشته دی چې بیا هم هوا غواړمه
لارې بــه جنت تــه د ورتلـــلو راوباسمـــه
زه به په دوزح کې هم انسان ته بقا غواړمه
نه د ملنګانو دعا روغ کړم نه د مور دعا
خدایه اوس به کومو فریښتو نه دعا غواړمه
چرته چې ژوندون د اذیت نامه وي هغلته
نه پکې وجود غواړمه نه پکې ساه غواړمه
اوس چې کومې لوبې پرې کوې خوښه دې خپله ده
زه به خپل زړګی ګوره واپس درنه بیا غواړمه