سمسور

۲۰۲۰ د افغان خبریالانو لپاره خونړی کال وو

• 3 کاله دمخه (29/12/2020)
• محمد نسیم ستانکزی
• 1077

د بې پولې خبریالانو سازمان د یو راپور په خپرولو سره وايي چې ۲۰۲۰ کال کې تر ټولو زیات ۵۰ تنه خبریالان افغانستان، مکسیکو، سوریه، عراق او پاکستان کې وژل شوي.

ددغه زارمان د راپور له مخې ۲۰۲۰ کال کې ۸ خبریالان مکسیکو، ۵ افغانستان، ۴ هند، ۳ فلپین، ۴ سوریه، یو یمن، ۶ عراق، او ۴ پاکستان کې وژل شوي دي.

دا په داسې حال کې ده چې وروستیو دوه میاشتو کې ۴ افغان خبریالان په هدفي بریدونو کې وژل شوي او دې چارې افغانستان کې د خبریالانو پر کاري چاپیریال هم ناوړه اغیزه کړې.

ځینې افغان خبریالان وایي که حکومت یې د امنیت خوندیتوب ته جدي پاملرنه ونه کړي ښايي ګڼ شمیر یې خپل کار ته پریږدي.