سمسور

کندهار کې ٢١ وسله والو طالبانو ته مرګ ژوبله اوښتې

• 3 کاله دمخه (07/07/2021)
• سمسور نیوز
• 1218

 جنوبي حوزه کې د ملي امنیت ٠٣ قطعې ځانګړو ځواکونو تېره شپه د کندهار ولایت د ژېړۍ ولسوالۍ د سنځري  سیمې مربوط د شاه اغا دو راهي په ساحه کې د وسله والو د ځپلو په موخه ځانګړي  عملیات ترسره کړي.

ځانګړو ځواکونو د وسله والو طالبانو  په مرکزونو بریدونه کړي، چې په ترڅ کې یې د طالبانو د یو مهم قوماندان ادريس مشهور په حاجي خاکسار په ګډون ١٨ وسله وال طالبان وژل شوي دي او ٣ نور ټپيان دي. 

په دغه ځانګړو عملیاتو کې د وسله والو طالبانو یوشمېر وسلې، مهمات، چاودېدونکي توکي، پټنځایونه او د اوسېدو خونې هم له منځه تللي دي. 

په عملیاتو کې ځانګړو ځواکونو او ملکي وګړو ته مرګ ژوبله نه ده اوښتې.