ناڅرګندو وسلهوالو کندز کې يو سوداګر وژلی
- 1 کال دمخه (22/01/2023)
- سمسور نیوز
- 567
سمسور نیوز (۲سلواغه۱۴۰۱) ځایي سرچينې وايي، په کندز ولایت کې د ناپیژانده وسله والو له لوري يو سوداګر وژل شوی دی.
سرچینې ویلي، د غلام حسين عنايت خان په نوم دغه سوداګر د تېرې جمعې په ورځ هغه مهال د علي آباد ولسوالۍ په «قزل سای» سيمه کې ووژل شو، چې له کندزه کابل ته روان و.
تر اوسه د دې سوداګر د وژنې انګېزه نه ده روښانه شوې.
په کندز کې د امنيې قومندانۍ وياند جمعه الدين خاکسار له ځايي رسنيو سره په خبرو کې دا پېښه تائید کړې ده.
خاکسار د پېښي عاملين ناپېژاند وسله وال ياد کړي او د انګيزې په اړه يې څه نه دي ويلي.
ویل کېږي، چې دغه سوداګر تازه له بهر هېواده راستون شوی و.
په دې وروستيو کې په بېلابېلو ولايتونو کې د پټو وژنو پېښې زياتې شوې دي.