ننګرهار کې د پولیو نوې مثبته پېښه ثبت شوه
- 1 کال دمخه (28/09/2023)
- سمسور نیوز
- 531
د روغتیا وزارت د هېواد په ختيځ ننګرهار کې پولیو د نوې مثبتې پېښې ثبتېدو خبر ورکړی دی.
له یاد وزارت څخه په خپره شوې خبرپاڼه کې راغلي چې دغه پېښه د ننګرهار په خوږیاڼو ولسوالۍ کې رامنځته شوې ده.
د سرچینې د معلوماتو له مخې، پر پولیو اخته ماشوم دولس کاله عمر لري.
په دې سره په روان ۲۰۲۳ کال کې د پولیو مثبتې پېښې شپږو ته ورسېدې.
د یادونې وړ ده چې تر دې وړاندې هم په ننګرهار کې د پولیو پنځه مثبتې پېښې ثبت شوې دي.
افغانستان او پاکستان لاهم هغه هېوادونه دي چې وخت ناوخت په کې د پولیو د مثبتو پېښو د ثبتېدو راپورونه ورکول کېږي.