بوټو: د پاکستان لنډمهالی حکومت د افغان کډوالو د اېستلو واک نه لري
- 11 مياشتي دمخه (03/12/2023)
- سمسور نیوز
- 475
د پاکستان د بهرنیو چارو پخوانی وزیر بلاول بوټو زرداري وایي، دا د پاکستان لنډمهالي حکومت صلاحیت نه دی، چې افغان کډوال وباسي.
نوموړي تېره ورځ بلوچستان کې یوې خبري ناستې ته ویلي، چې د افغان کډوالو د اېتسلو موضوع کې باید له ټولو لوریو سره مشوره شوې وای.
ښاغلي بوټو له پاکستانه د افغان کډوالو اېستل یوه پېچلې مسئله بللې ده.
هغه ویلي، چې د افغان کډوالو د اېستلو بهیر کې بشري سرغړونې شوې دي.
پاکستان په داسې حال کې د افغان کډوالو د اېستلو لړۍ ته دوام ورکړی، چې سخت ژمی دی او راستنېدونکې کورنۍ د اوسېدو لپاره ځای نه لري.
د ملګرو ملتونو د خوړو نړیوال پروګرام وایي، چې له راستنېدونکو افغانانو سره د مرستې لپاره ۲۶ اعشاریه ۳ میلیونه ډالرو ته اړتیا ده.