2020-09-21
تاريخ دروغ وختو
زمو ایمان
زموږ اټکل
پرموږ ملنډې وکړې.
که غواړئ
یوټکی رښتیا
په کوم تاریخ کې چېرته بیا و مومئ
نو د تاریخ
د تورو کرښو تر منځ
سپینې پاتې شوې فاصلې وګورئ
موږه عادت یو
دتاریخ د تورو کرښو،
ترمنځ،
سپينو فاصلو کې حقیقت لټو و
تاریخ تکرارشو
تاریخ بیا و ګرځېد
هغه شهسوار
چې موږ یې ډېروو
په لمن باندې داغونه ایښي
هغه دی سپین وختو
دکلو شک وو
چې یقین وختو
هغه شهسوار
چې زموږ اسلام
بې ایمانو، پرسپینه لمن، سپینو ختو
دخپلو تورو مخو، تورکي مو ښل
د خدای حرم کې
د زمزم په اوبووللی راغی
تاریخ تکرارشو
تاریخ بیا وګرځېد
زموږ د نوي
تدوين شوي تاریخ
پاڼې ګورئ
څنګه د باد په مخکې منډې وهي
اوزوړ تاریخ
لکه فاتح
پرې ملنډې وهي
د می لومړۍ دوه زره او دویم کال پيښور