هغه شکوه له مانه هم کوى ګيلې هم کوي
زما وجود کى فنا غواړى فاصلې هم کوي
دا انتها د ليونتوب ده که د مينى جنون
د ځان نه لرى مى شړي او بيا نارې هم کوي
ستا ليوني دا ستا د تلو نه پس شو داسى عادت
تا پسې ګوتې د لاسو خوري اندښنې هم کوي
په جدايۍ کى يۍ ځان اور واخلي لبمې هم کوي
ګوره کنه ستا د ساګانو نه جامې هم کوي
زه مى د يار په دغه دو اداو مړ مړ يمه
چى ما ته ګورى د بل چا سره کيسې هم کوي
د دى سړى لاسونه سرهٙ دى د انسان په وينو
بيا تا ته ودريږى خدايه او سجدې هم کوي
ملا صيب وايه چى د دى قاتل سزا به څه وي
خپل ارمانونه قتلوى او جنازې هم کوي
يا خو شاعره شوه قراره يا ميئنه ښکاري
ځان سره وايۍ غزلونه زمزمې هم کوي