2020-09-21
ها دزرکو کتــــــــــــارونـــــــه
دمماڼو په ځنـــګلـــــــــو کی
ها د سره سينـــــــــــــو مرغيو
دګرګرو پــــــــــــه خا ښو کی
ها دغــــــــــــــــره دسر دپاسه
دکابل پـــــــــــه خوږ لمن کی
دخواجــــــــه صفا زيارت کی
د ګــــيــــــــلاس ونـــــه ولاړه
دخــــــــوږی چينی اوبــــه مــی
دپغـــــــــــمان ښکلي درونـــــه
نن تر سترګوسترګو کــــــيږی
هغه ورځ می هم يــــاديــــــــږی
چه زه خپل وطن نه راغــــــلـــم
دنفاق په وچکــــالــــــو کــــی
د کوچيانـــــــــــــو لاری ورکی
دسپين غر لمــــــــــنه بــــند وو
کوم ظالم په کی مئين خښ کړ
دشپونکۍ جانان پـــه لار کی
ټول ازغی ووراشنــــه شــــوي
د کوچۍ د ميـــنی پــــــل تــه
لاری بندی غــــرونـــــه بند وو
ورنه جوړ دجــــنګ سنګر شو
صبر بيا چپ خولــــــه ولاړ وو
ننداره کـــــول د خلکـــــــــــــــو
مانه پاتی شو څــــــو اوښکی
دوطن دمينی غــــيــــــږ کــــی
لاری بند وو غرونه بـــنـــــدوو
هغه ورځ می هم يـــــاديــــــــږی
چه يو ورځ شينکی سهـــار وو
دبت خاک دغر لـــــمـــن نــــــــه
دګنګرو اواز بـــــه راغـــــــــــی
دشپونکيو به هـــــاهـــــــا شـو
د څارويو له کـــــــــاروان نــــه
دګنګرو به يو شرنګـــــــا شی
اوس هغه سهار می ورک دی
کور او کلی رانه پـــــــاتـــــــــی
مسافر شومه په غــــــــرب کی
دلته هر څه بدل ښکــــــــــــاري
بلبل شته ګلـــــــونـــــــــه نشته
غرونه شته خو څاروی نه شته
سوله شته خو پښتو نـــــه شته
مـــسافـــر لـــــه مــــــانـــه تللي
دغــــربـــيانـــــولـــــه دنــيانـــه
نو راشه راشــــه اي قـــسمــــته
راســــره لـــــږ خــــواری وکــــړه
چـــــــه زه بـــيا وطـن ته لاړشم
پاک الله ته زاري وکـــــــــــــــړه
د(حفيظ)زړګی به ښادشــــــي
بخته ته لږ ياري وکـــــــــــــــــړه