تصوير دې زما زړه او په لېمو کې پاتې کېږي
د مينې بلا ستوري دې تيارو کې پاتې کېږي
ستا عشق رانه جانانه ډېر لمونځونه قضا کړي
ستا نوم رانه جانانه په تسبو کې پاتې کېږي
جانانه تاته نه وايم چې څومره راته ګران يې
خو نوم دې راسره ساز او نغمو کې پاتې کېږي
ځه! ځان به له تا لرې کړم،جهان به له ځان لرې
نومونه مو د بعضو،بعضو خولو کې پاتې کېږي
شوګير دا ستا د مينې او شوګير داستاد حسن
دا دواړه رانه ياره تورو شپو کې پاتې کېږي
له تانه مې جانانه نن بلا خبرې زده کړې
خو اوس رانه د شونډو په سرو کې پاتې کېږي
تلاشه ! ستا ځواني به اوس د ښکلونجونو تاج شي
چې سترګې دې د ښکلو اننګو کې پاتې کېږي
١٣٩٠-٦-٤