سلام دې نه منمه،ستوري له اسمانه واخله
زما سلام ته دې،ځواب له خپل ايمانه واخله
لا مې له سترګو اوښکې څاڅي لا ولاړې نه دي
لږ ورته تم شه،ته مزه له دې بارانه واخله
ددې بې پته ژوندون،څه ماناوي ته و وايه؟
ورته په مينه،مينه ګوره ځان تر ځانه واخله
ستا له ښکلا سره مې دومره،لانجه نه وه کړې
ځه درځه جګ شه راته مينه له پېزوانه واخله
د اوښکو ډکې سترګې څه مانا او څه لپاره ؟
ځه له تلاش نه يې مانا په پور ارزانه واخله
جلال اباد