پخپله مينه کې ارمــــــان د قتلېـــــــــدو راشــــــــــــــي
ما ته نفرت راشي د زړه د صبرېـــــــدو راشـــــــــــــي
زما خو پاکه مينه پاک زړګى جانان ســــــــــــــــره دى
هسې نه زمونږ منځ کې اغزى په شين کېدو راشـــــــي
هرڅوک هر څه خوري خو هر څه نه وايي دا متل دى
که مې جانان ددې متل په پوهېــــــــــدو راشــــــــــــي
چې مې جانان يو څو خبرې د بېلتون وکــــــــــــــــړي
زړه مې په درد شي ټول بدن په لړزېدو راشـــــــــــي
تلاشه بس دى نور د عشق له کتـــــــــــــاب مخ واړوه
هسي نه ستا پکې عنوان د ختمېــــــــــدو راشــــــــــي