2020-09-21
ته رانه تللې يې خپه ، اوس راته خوب نه راځي
کوم تر اوسه اندېښنه ، اوس راته خوب نه راځي
ستا د نوم توري رانه بيا د ياد څپو وړي دي
راټولومه ستا نامه، اوس راته خوب نه راځي
ته مخامخ راباندې راغلې، زه په لمونځ ولاړ وم
راباندې واوښته سجده، اوس راته خوب نه راځي
تا ويل (( هيله کوم ، زه درسره مينه لرم ))
تکراروم دغه جمله، اوس راته خوب نه راځي
تا راته راکړه لوپټه له خپلې سپينې غاړې
راځېنې ورکه ده هغه ، اوس راته خوب نه راځي
له شومه دمه شروع، آن د شپې تر ډېره وخته
ناست يمه، تاته ټوله شپه، اوس راته خوب نه راځي
ته ! نا خبر يې، زه د دود په داو کې ګېره شومه
تلاشه مه کوه ګيله ، اوس راته خوب نه راځي