مورجانې صبر کوم غم تېــــــــروم
په حوصلو سره هر دم تېــــــــــــروم
مورجانې نور نو ګناهونه نه کـړم
نور مې دا پاتې عمر سم تېـــــروم
مورجانې نور راپسې تل دعاکـــــړه
نور مې دظلم دورې نه ستايـــــــــمه
مورجانې ستا له پاک نامه نه قربان
نور به دې بې اودسه نه ستايـــــــمه
مور جانې څومره بختــــــــــوره يې ته
هرڅوک دعاکې لومړى تــــــا يادوي
مورجانې څومره دا ستانوم خوږ دى
که وي څوک غم کې خوهم تا يادوي
مورجانې زه به دا دعا کومــــــــــــــــه
چې ته زما له خوا نه لېرې نه شـــــې
مورجانې پت يې ته عزت د ژوندون
دنيا وجنت کې رانه لېرې نه شـــــــې
مورجانې ستا له هرقدم نه ځار شم
ستا هر قدم لاندې جنت پــروت دى
مورجانې ستا للو للو نه قــــــــــربان
ستا دې خبرو کې الفت پـــروت دى
مورجانې بيا يو ځلې راشه کــــــــــنه
چې مې ژوندون يو ځلې بيا راشــي
مورجانې راشه ګينې مړ به شــــــمه
که چېرې رانشې نومرګ به په رښتيا راشي