ظلم کوه په دې زړګي خداى به دې ونه بخښي
خښ کړه په زړونو کې اغزي خداى به دې ونه بخښي
تا سره مينه ښايي تاسره خندا مزه کړي
چې ته کوې دا بې رحمي خداى به دې ونه بخښي
په اننګو دې ګوتې مه وهه سيده تېرېږه
تا ګناهګار کړل ټول زلمي خداى به دې ونه بخښي
ستا خو پر لب د ميو جام پروت دى نشه نشه يې
سترګو دې ټول کړل خماري خداى به دې ونه بخښي
تلاش دې و واهه نظر ورشه په لار کې پروت دى
ځان سره يوسه سپېلني خداى به دې ونه بخښي
١٣٩٠/٨/١
ورځ پنجشنبه د غرمې لس بجې- صفا راډيو