لا چرته نه يم تللى لا خو دې په څنګ کې يمه
خمار خمار لکه ياغي سپرلى په شرنګ کې يمه
اى ځوانيمرګې! ته بس دومره صبر نه شې کوى؟
خولګۍ به درکړمه،لا خو بنديمه جنګ کې يمه
ته ځه منګى راوړه خوږه موسيقي جوړه کړه نن
زه د بابا په رباب مست يمه په ترنګ کې يمه
ستا په غوښتنه مې اغزو سره ګلان وسېځل
ناځوانه ته ووايه دا نو زه په ننګ کې يمه؟
تلاشه زهر به شم، ګوټ به مې په لپه نه کړي
تلاشه ته مې وڅښه راشه چې په بنګ کې يمه
جلال اباد – صفا راډيو
١٣٩٠-٧ -١