ستا د ستار مزى چې اوس هغسې ترنګ نه کوي
زړه مې په غټه خبر اوس چا سره جنګ نه کوي
ستا لېوني چې ستا په شوخ مړوند خوب نه شو کوى
مودې يې وشولې د لاس بنګړي دې شرنګ نه کوي
ستا له خوشبوۍ نه به خوشبو لاچي لونګ اخيسته
له کلي لاړلې خوشبوۍ لاچي لونګ نه کوي
دا ښکلې نجونې د موسم په شانتې رنګ بدلوي
زلمي هوښيار دي چې په ښکلو نجونو ننګ نه کوي
د تلاش زړه او مينه خاوره کې سره زر پراته دي
اوسپنه زنګ کوي، خو سره زر کله زنګ نه کوي
جلال اباد
خپل کور ١٣٩٠-١-٢٢