2020-09-21
فلکه ورانه دې شــــــــــــه خونه رانه غواړې څه نور
کډه په شا سپیره ژونـــــــــدونه رانه غواړې څه نور
اوس د ټنیو د ګریوان تــــــپـــــــــوس له چا نه وکړم
بې له تا څوک لرم جنونه را نــــــــــه غــواړې څه نور
ته مې د خولې پیښې کوه زه بـــــــــــه دی مړی ژاړم
زما نادان وروره پښتونه را نه غـــــــــــواړې څه نور
د وصال کلي ته مې پریږده د ارمــــــــان جنـــــــــازه
خاورې پرې واړوه بیلتونه رانه غواړې څـــــــه نور
شرنګ د زنځیر مې اعتراض دی د تقدیر پـه مقام
ګډ په غوغا دي زندانونه رانه غواړې څــــــــه نور
ننګه موسکا دې خوره نشوه د غزل په شــــونـــــډو
بـــــس دی نور مه چیړه غمونه رانه غواړې څـه نور
مې ۲۰۰۵
ډنمارک